RUMANGSA SENENG SEKOLAH
NING SMKN 6 SURAKARTA
Aku sekolah ning SMP 12 SKA. Aku
saiki kelas 3 lan arep ujian, mulanne aku kudu sinau
sing sregep lan temen ben biji ujian nasionalku apik. Sakwise lulus SMP aku pengen neruske sekolah, tapi aku
durung ngerti arep sekolah ning ngendi?. Pancen aku durung ngerti pengen
sekolah SMA utawa SMK sing tak pengen. Aku nyoba golek – golek informasi saka
kanca, guru, lan internet. Nanging Ibuku ngendhika “nduk, kowe mbok sekolah SMK
wae, ben ndang iso kerja lan mbantu wong tuwa”. Terus tak jawab “ Nggih Bu, kula nggih pengen
teng SMK mawon, naming kula taksih bingung ajeng teng SMK pundi?”. Bapakku ngendhika
“Bapak yo setuju nduk yen kowe sekolah ning SMK, nanging kowe pengen njupuk
jurusan apa?”. Tak jawab “Kula nggih dereng ngertos ajeng
mendhet jurusan napa?”.
Banjur mas sepupuku kandha ngene
“nduk sarane mase kowe njupuk jurusan multimedia wae“. Terus tak jawab “tapi
jurusan multimedia kuwi pelajarane tentang opo wae mas?”. Mas
sepupuku njawab “ yo nak jurusan multimedia kuwi pelajarane berhubungan karo
teknologi lan ndesain, kowe iso nuangke kreativitasmu tapi yo kudu nduwe alat – alat koyo komputer”. Aku njawab “ ouww…,
sekitar ngono kuwi”. Masku “Tapi kowe kudu niat nek ameh mlebu SMK opo meneh nek
kowe ngko njupuk jurusan multimedia mergane PR lan tugase akeh tapi nak kowe
bener- bener niat mase yakin kowe bakalan iso”. Sakwise dikandhani masku aku dadi pengen sekolah SMK
njupuk jurusan multimedia”.
Terus aku mlaku – mlaku karo
kanca golek info pendaftaran SMK lan persyaratane. Nanging aku durung nemukke sekolah SMK
sing tak karepake amarga durung enek jurusan multimedia. Banjur aku golek
informasi saka sekolah liyo sing cedhak karo SMP ku yaiku SMKN 6
Surakarta. Aku ning kono langsung njaluk info pendaftaran lan persyaratane.
Jebule aku lagi ngerti nak ning SMKN 6 ana jurusan multimediane lan SMKN 6 wes
kalebu sekolahan sing apik lan favorit ning Solo. Lan wektu iku aku dadi kepincut
pengen mlebu sekolah ning kono.
Aku kandha karo Bapak lan Ibuku
menawa aku pengen sekolah ning SMKN 6 njupuk jurusan multimedia. Aku “Bapak lan
Ibu napa panjenengan setuju menawi kula daftar sekolah teng SMKN 6 mendet
jurusan multimedia ?”. Bapakku “Bapak lan Ibu setuju wae asal kowe seneng lan kudu
sekolah sing sregep!”. Aku “ nggih Bapak lan Ibu”.
Bulan Juli aku wes dinyatakke
lulus SMP lan biji ujian nasional SMP lumayan apik. Let pirang minggu, aku
langsung daftar sekolah ning SMKN 6 Surakarta lan njupuk jurusan
multimedia. Banjur aku melu tes persyaratane, test
meliputi test kesehatan lan psikologi. Pertama aku melu test kesehatane jebule
antrianne akeh banget. Bar melu test kesehatan aku langsung melu test psikologi
pas melu test’e sirahku mumet banget dadi aku nggarap test’e ra konsentrasi
blas. Aku dadi wedi mlebu opo ora mergane pas test mlebu kuwi ora tak garap
tenanan.
Pengumuman diterima
opo ora 3 dina ngkas. Aku deg – degan banget ngenteni hasil pengumumanne amarga
sainganne lumayan akeh lan angel. Saben dina aku ndelok jurnal ning SMKN 6 karo
bapakku. Akhire pas pengumumane hari ke 3 aku ndelok, syukur alhamdulilah atiku seneng banget amarga aku ketrima ning SMKN 6. Bapak lan Ibuku
seneng banget. Aku bakal janji lan berusaha aku arep sekolah sing sregep lan
temen ojo nganti nguciwakake marang wong tuwo.
Tidak ada komentar:
Posting Komentar